買匯豐?Ken Sir: Loop Loop Loop vs 查理芒格:Liquor Ladies Leverage

匯豐終於跌穿30蚊。睇番啲舊新聞,原來係今年4月匯豐宣布暫停派息既時候,出現左一班維權苦主,開記者招待會要求匯豐恢復派息。No luck。而家匯豐跌到咁甘,睇嚟應該都係蝕到入肉。

乜嘢係Loop Loop Loop大法?

Loop Loop Loop大法

所謂Loop Loop Loop大法,其實就係透過私人借貸加槓桿買入滙豐股票,並利用每年匯豐派發既股息償還私人貸款。數年之後,借貸還清後就“免費”獲得匯豐股票。嘩!有冇咁荀?真係有咁荀的話,班苦主就唔會聲淚俱下咁聲討匯豐啦。咁問題出左係邊度呢?

價格

我相信主辦方“業主會”係想透過“匯豐”呢個穩陣嘅代名詞去吸引人用Loop Loop Loop大法。咁匯豐穩唔穩陣呢?由價格呢睇,係2008年金融風暴之後,匯豐既股價好似過山車咁,同穩陣相距十萬九千幾里。如果買入價係處於高位,價格波動隨時不止賺息蝕價,用槓桿買入更加有可能被斬倉,血本無歸!

匯豐股價圖

內含價值

其實2008年金融風暴已經睇到銀行業務其實都唔係非常穩陣。在低息環境下,淨利息收益率不斷下跌,銀行生意越嚟越難做。低息環境在可見的將來都唔會改變,核心業務收益長期受壓。說實話,真是看不到匯豐到底隱陣在那裏。比較恩惠的是,匯豐的管理層比較踏實,應該不會因為衝業績而挺而走險。匯豐應該不會變成下一個雷曼。

本金

Loop Loop Loop大法裏的本金全部都是借回來的,即係用超高槓桿來達至無本生利既效果。這個做法在風平浪靜嘅時候當然冇問題,就好似你平時橫過6條行車線既高速公路咁,冇車咪冇事囉,唔代表咁做唔危險。如果私人貸款加3倍槓桿,咁樣當價格下行33%時便會被斬倉,完全失去本金。另外,私人貸款係基於個人信貸評級而借出的,當個人無論任何原因未能償還,銀行便會call loan。為了償還被call的loan,當事人可能要被迫在不理想價格出售股票。届時又一鋪清袋。

Loop Loop Loop vs Liquor Ladies Leverage

如果真係要用Loop Loop Loop,應該選擇債券而不會選擇股票作為資產,因為企業債券利息唔會因為企業破產或周轉不靈以外既原因而停止支付。另外,匯豐股息只有6厘,相對於風險,實在太過低。好多高息債券如內地房產開發商既息率都可以高達10%或以上,雖然好多高息債券評級都比匯豐低,但係是否真的評級高就風險低呢?This is a good question. Let the facts tell you the answer.

天下無免費午餐。槓桿係會大幅提升投資風險,真係唔好因為貪婪而做高槓桿操作,否則財富隨時Loop回原點。最後:

查理·芒格(Charlie Munger)說:

聰明人破產的方法只有三種:酒,女人和槓桿。 事實是,由於槓桿,剛剛添加了前兩個,因為它們以L開頭。
There is only three ways a smart person can go broke: liquor, ladies, and leverage. Now the truth is — the first two just added because they started with L — it’s leverage.

關注知識蒸餾所Facebook專頁獲得更多關於價值投資和終身學習的資訊。

發表迴響

%d 位部落客按了讚: